Тазалық- денсаулық кепілі

Тазалық-денсаулық кепілі

2022 жылдың 9 сәуір күні Жаркент қаласы бойынша сенбілік өткізілді. «Тазалық – табалдырықтан басталады», демекші қоршаған ортаның тазалығына жауапкершілікпен қарау – әрбір азаматтың басты міндеті. Тазалықты жанына серік еткен Жаркенттіктер, аудан елді мекендерінде санитарлық тазарту, көркейту және көгалдандыруға сәйкес сенбілік шарасына белсене араласты.
Аудан көлемінде жүргізіліп жатқан қызу тазалық жұмыстарына барлық мекеме қызметкерлері бір кісідей атсалысып, әрбір ұжым бөлінген аумақтарда, көшелерде тазалық жұмыстарын қарқынды жүргізді. Соның ішінде, қаланың кіре беріс аймағын, орталық көшелер мен әлеуметтік нысандардың айналасын толық қамтыған тазалық жанашырлары қоқыс қалдықтарын шығарып, ортақ мекеннің көркеюіне өз үлестерін қосты.

          «Ұяда не көрсе, ұшқанда соны алар» деп дана қазақ айтқандай, үйдегі бала-шаға үлкендерден тәлім-тәрбие алады. Оларға дұрыс бағыт бағдар беріп, тазалыққа, тәртіпке үйретуіміз қажет. Қоршаған ортаны таза ұстау – мәдениеттіліктің белгісі және ол әрбір азаматтың міндеті. Тазалық-денсаулық кепілі.