Рәміздер күнімен құттықтау

Құрметті қауым!
Бүгін ата-бабаларымыздың жүздеген жылдар бойғы арман-тілегі ақиқатқа айналған, ғасырлар тоғысында бой көтерген Тәуелсіз Мемлекетіміздің рәміздері күні. «Мемлекеттік рәміздер – бұл біздің мемлекетіміздің, біздің егемендігіміздің берік негізінің бірі.

Олар Тәуелсіздіктің қасиетті біріктіруші образын  білдіреді».

 Баршаңызды еліміздің осынау айтулы мейрамы – Қазақстан Республикасы рәміздері күнімен шын жүректен құттықтаймын!
Жер бетіндегі қай халық үшін де Тәуелсіздіктен биік ұлы мұрат жоқ. Еліміздің Тәуелсіздігі – ұлтымыздың ежелден еркіндік аңсаған асқақ рухының және ұлт тарихындағы барлық азаттық үшін болған күрестердің жеңісі. Тарихи жолды жүріп өткен бабаларымыздың халық болып бірігуді, ел болып қалануды, еркіндікті аңсаған арманы 1991 жылы жүзеге асты. Сол жылдан бастап тарих бетінде Тәуелсіз Қазақстан мемлекеті қалыптасты.
29 жыл ішінде Тәуелсіз Қазақ елінің негізін қалап, елін жарқын болашаққа жетелеген Ұлт Көшбасшысы Бас болып, халық болып сайлаған президентіміз Қасым Жомарт Кемелұлы Тоқаевпен бірге түрлі қиындықтар мен сынақтардан аман өтіп келеміз. Тарихи тұрғыдан алғанда 29 жыл аз мерзім болғанымен, егемен елімізде ғасырға татитын ауқымды жұмыстар атқарылды. Біз бүгінде әлемнің бәсекеге қабілетті 30 мемлекетінің қатарына қосылуды мақсат етіп, өз бағытымызды айқындадық.
Бүгінде Тәуелсіз Қазақстан Республикасы – Орта Азияның ғана емес, бүкіләлемдік мәселелерді талқылауда және шешуде ықпалды рөл атқаратын беделді елге айналды.
Қазақстан – шекарасы нақтыланған, рәміздері айшықталған, тілі мен төл теңгесі бар, әскери әлеуеті артқан және әлем таныған Астанасы-Нұр Сұлтаны бар іргелі мемлекет.
     Даму белестеріне қадам басқан біздің орталықтада жасампаз жұмыстар атқарылуда. Әлемді жаулаған індетпен бір кісідей жұмыла күресудеміз. Алда да осылай бола бермек.
Мемлекетіміздің қарқынды дамуы тұрақты саясат пен ішкі бірліктің арқасы. Рухы биік, намысы берік бабаларымыздың ғасырлар бойғы асыл мұраты – азаттықты аялау, тағдыры ортақ тұтас халқымыздың татулығын сақтау біздің басты мұратымыз.
Сіздерді Қазақстан Республикасының рәміздер күні – мерейлі мерекесімен құттықтай отырып, дендеріңізге саулық, отбастарыңызға амандық, шаңырақтарыңызға шаттық, бақ-береке тілеймін!
Тәуелсіздігіміз тұғырлы, бірлігіміз баянды, еліміз еңселі болсын! Мемлекеттік рәміздер мерекесі құтты болсын!